Su qiymətinə olan su bu gün süd qiymətinədir.

---

Həyat nöqtələr,nöqtələr və sonu nida işarəsi-başdaşı.

---

Gecəyə düşüb gündüzü axtarır.

---

Yazıya pozu yoxdur dedilər.Pozulmayan yazını kim yazdı?

---

Nə vaxtdır içimdə azmışam.Yol,iz tapıb içimdən çıxa bilmirəm.

---

Kimsəyi aldada bilməyənlər, sonda özlərini aldadırlar.

---

İnsanların bağırtısına,maşınların siqinal səsinə oyandı şəhər.

---

Yüz illərdi kədər olub,əzab olub içimizdən axan çay,ahlarımız səni qurutmadımı?

---

Külək sənin kimidir,yoxsa sən külək kimi? Gah şimaldan əsirsən,gah da xəzri kimi Xəzərdən.

---

Yaxşı ki,yadına düşmürəm.Düşsəydim qulağın cingildəyərdi.

---

Məni sakitləşdirməyə çalışma.Bu an məni heç bir söz ovundura bilməz.

---

Analarımız torpaqda uyuduqlarına görə torpağa ana deyirik.

---

Leyli məhəbbətinə,Məcnun sevdasına köklən ey dünya,Onda üzün gülər,könlün açılar.

---

Çay daşıyam.Bir şeyə yaramırsan demən.Mən özülə qoyulub dağılmayan ev daşıyam.

---

Dedilər qaraqabaqdır üzü gülmür.Sevinc gələndə üzümün güldüyünü görməmişdilər.

---

Ona heç bir pisliyim keçməmişdi.Hər zaman kiçik kölgəmi iri qılıncıyla qılınclayırdı.

---

Tanrının borcu məni salamat saxlamaqdır.

---

Beşikdən başlanan həyat yolu qəbristanlıqda sona yetir.

---

Nə olaydı ömrüzün qışında yenidən baharını yaşayaydı.

Etibarsız dostdan bir qara daş yaxşıdır.

---

Güldəki şehdən ilham almayan şair şair deyil.

---

Ömrü bir günlük olan kəpənəyi güldən-gülə qonanda bəxtəfər gördüm.

---

Dünya mənimdir demə.Süleymanın olmayan dünya sənin ola bilməz.

---

Heç vaxt mən böyük şairəm demən,qoy onu oxucu desin.

---

Məramın xoşdursa istədiyin mənzilə çatacaqsan.

---

İlahi,imkandır böyüklüyünü göstər.

---

Qəbristanlığa gəldim.Gəldim qəbir qazanlara deyəm ki,mən ölməmişəm.Mənim qəbrimi ölüb qəbirsiz qalana verin.

---

Nənəmiz Həvva necə olubsa biz də eləyik.Nəfsi iti.

---

Güc olan yerdə sözün bir çürük qoz qədər dəyəri yoxdur.

---

Şairdən kefini soruşdum.Dedi ruhum ölüb.Soruşdum,ilhamın necə,o salamatdı? Dedi şükür hələ yerindədir.Dedim ruhu ölənin ilhamı ondan qabaq ölür.

---

Udduğu hava kimi,içdiyi su kimi rahatca qəbul edirdi ölümü.

---

Sənin səhv etmək limitin bitmədi?

---

Güclə cəsarət birləşdi və Qarabağ Azarbaycan oldu.

---

Gecə yatanda pəncərəni açıq qoyun ki,bəlkə içimdəki ağrılar getdi.

---

Ayağımın altındakı yeri,başımın üstündəki göyü qoruya bilməsəm,yersiz və göysüz qalacam.

---

Sənə gözüm üstündə yer vermişəmsə,orda həmişəlik qalmağa çalış.

---

Dünya məni sakini saymısa,mən onun nəyini sevim?

---

Şair olmaq Tanrıya yaxın olmaqdır.

---

Bizlər torpağın üstündən altına gedən yolçularıq.

---

Bilə-bilə günah işlədib sonra Tanrıdan aman istəmə.

---

Səhər-səhər gülü iyləmək istədim.Şeh məndən qabaq iyləmişdi.

---

Mən dərdi heç vaxt ürəyimə salmadım,özü girdi.

---

Aramızda güclü ayrılıq küləyi əsir,ona sinəmizi sipər eləyə biləcəyikmi?

---

Həyat gözəldir,onda yaşayan da gözəl olmalıdır.

---

Həyatımda Həyatın olmağı yaşadır məni.

---

Dedilər əlindən gül ətri gəlir.Dedim əlim Güldəstənin əlində olub.

---

Habil kamanı ağladırdı,kaman da məni.

---

Onun gözlərindən yaş sel kimi axırdı.Qarşısına bənd vuranı yox idi.

---

Allah Allahlığı dövründə bizə qarşı böyük səhv edib- ermənini bizə qonşu eləyib.

---

Gündüz günəşdən,axşam aydan aldığımız işıq Tanrının bəndəsinə təmannasız hədiyyəsidir.

---

Günəşdən yananda ağaclar gölgələriylə çatdı harayımıza.

---

Əlin aşalığı olmağı başın aşağı olmağı deyil.

---

Tanrının bizə nə səbəbə cəza verdiyini bilməsək də onu çəkməyə məhkumuq.

---

“Allah mənim ömrümdən kəsib sənin ömrünə calasın“ dedi.Yaxşı bilirdi ki,Allah verdiyi ömrü kəsib heç kimə vermir.

---

Hər axşam ay ulduzları başına yığıb səhərə kimi onlarla söhbət edir.

---

Ona o qədər yalan danışdılar ki,indi bütün yalanları həqiqət kimi qəbul edir.

---

Həyat hamı üçün müvəqqəti çətinlik deyil.Adam var bir ömür çətinlik çəkir.

---

Ömür də fəsillər kimidir,soyuğu,istisi olur.

---

Güllərin məcilisində bənövşə boynunu əyib yazıq-yazıq onlara baxırdı.

---

          Mən belə yandırmazdım.Yerdən gələn ahlar yandırır məni.

          ---

         Ürək yaman “qonaqpərvərdir”,sevincə də,qəmə də yer verir.

         ---

        Mənə “nə yaxşı varsan”,deyəndə özünü də yaddan çıxarma,”nə yaxşı varıq” de.

        ---

        Dənizin dalğalarında sahilə olan sevgi onu sahilə çırpılmağa məcbur edir.

       ---

      İçində sevgi olmayana yayın istisi də soyuq qış kimidir.

      ---

   Xalq yolunda üsyankar olmayan şairin şairliyi də bir qara qəpiyə dəyməz

    ---

Məndən soruşma haralıyam.Mən bütöv Azərbaycanlıyam.

  ---

Sən dözümlüsənsə,mərdsənsə,sənə palıd adı,çinar adı yaraşır.

---

Füzulidən sonra söz demək ar gəlir mənə.

---

Bu gün şair sıralamasında imza tünlüyüdür.

---

Ömür yolunda qəfil büdrəyib yıxılmaq da var.

---

Bu gün uşaqlığımdan gəncliyimə gəldiyim yolda yox,gəncliyimdən qocalığıma gedən yoldayam.

---

Dağ çayının harayı,hayqırtısı yayda kəsilər,mülayimləşər,həlimləşər.

---

Gənc ölənlərin dalınca yer də,göy də,dağ da,daşda,çəmən də,çöl də ağlayar və kiriyər,amma analr kiriməz,bir ömür ağlayar.

---

Papağımı çıxarıb yellədim gəncliyimə qocalığımdan. Üzü güldü,bəxtəfər göründü.

---

Tanrım,yaz fəsilində bəndənə qıyma.Yaz ölüm fəsili yox,olum fəsilidir.

---

Həqiqətə inanmır,yalanın da yaxasını buraxmır.

---

Ən yaxıç ölüm gözlə,qaşın arasıçda yox,anla,anın arasındadır.

---

Son vaxtlar Tanrının mənim haqqımda nə düşündüyünü anlaya bilmirəm.

---

Ruh bədənin halına ağlayır.

---

Ölüm haqqında düşünmək,ölümdən dəhşətlidir.

---

Şəlalənin intihar məkanı yüksəklik.

---

Həqiqəti bilirəm,ədaləti tanıyıram.Mənim həqiqəti görməyimin,ədaləti tanımağımın özümdən başqa kimə lazımdır.

---

Leyli Məcnun sevgisi Füzulu qələmiylə ilahiləşdi.

---

Çox odlarda yandım kül olmadım.Amma sənin həsrət odun yandırıb kül edəcək məni

---

Sözü sözlə üzləşdirəndə həqiqət ortaya çıxır.

---

Ananı anım günlərində yox,hər saat,hər gün yad etmək lazımdır.

---

Kənd analarının qoçaqlığı,fədəkarlığı-su gətirər,ocaq qalayar,beşik yırğalayar.

---

Vətəni qorumaq üçün ürəkdə iki od olmalıdır-məhəbbət və nifrət.

---

Böyk bağın bəzəyi kiçik bir ağac da olar.

---

Torpağa heyfin gəlsin.Onu ək,becər!

---