Nazim Əhmədli : - BU EŞQİ HARA YAZIM

Ədəbiyyat 08:41 / 31.07.2025 Baxış sayı: 1362

 

Boylandım dan üzünə,

dan üzü-qıp-qırmızı;

payız dönür deyəsən,

könlümə qubar sızır;

 

buludlar nəhr-nəhr,

həsrət çiynimi əyir;

mən dəlicə bir şair,

sən də, zalımın qızı;

 

ötüb ömrün yarısı,

yarı oddu, yarı su;

üzün Ayın arısı,

çiçəklərin bəyazı;

 

dərd də ki, büküm-büküm,

sürüyüb hara çəkim;

sındırıb yerə töküm,

göydən, Ayı- ulduzu;

 

səni yaman özlədim,

ürəyimi közlədim;

bir yer elə, gizlədim,

bu qayıdan payızı;

 

yandım, odun üzümdə,

qovruluram, közündə;

bilmirəm heç, özüm də,

bu eşqi hara yazım.