Ağaevli Ə/li Hacı : - İlahi ! Gücüm yox, ortaq olmağa...
Ədəbiyyat
11:44 / 28.08.2025
Baxış sayı: 1920
İlahi ! Gücüm yox, ortaq olmağa
Bu yer də,o göy də qoy,sənin olsun !
Arxamı söykədim daş divarlara,
Qoy,səndən inciyib,küsənin ölsün !
Dünya balacadı,hamı görünür
Görünür dağ kimin,düzlər kimindi !
Çarmıxlar İsasız yaşamır yenə,
Kərbəla hələ də susuz kimidi !
İçir qanımızdan su verən torpaq,
Göyün daş gəzdirir başımız üstdə !
Yenə,gün görməyən ocağımızda
Qurumuz altdadı,yaşımız üstdə !
