Şakir Xanhüseyn - bu daşda nəsə...

Ədəbiyyat 12:12 / 25.02.2026 Baxış sayı: 504

***

bu daşda nəsə

çox yumçaqca bir şey çəkir diqqətimi,

çox yumşaqca.

suda axmayan,

odda yanmayan,

işıqda da görünməyən nəsə var bilirəm.

səsdə eşitmədiyim bir şeyin

daha çox marağındayam...

dayan,

buludda hərəkətlənməyən nə var, görəsən?

küləyin əsməyən,

yağışın yağmayan,

qarın əriməyən

hökmən, hökmən

nəyisə var, inan,

bir gedənin getməyəni kimi...