Bayramın bol olsun Vətən!

Azərbaycan, gözlərimin qarası

Azərbaycan, həyatımın mənası

Nə deyim ki, layiq olsun vəsfinə?

Ey Vətənim, anaların anası!

Azərbaycan, anaların anası!

Bir ağacsan, mən də sənə budağam

Bir budaqsan, sənə yarpağam

Bir nəğməsən, mən də hər an, hər zaman

О nəğməyə möhtac dodağam.

Bir sinəyəm, sənsən vuran ürəyim,

Bir ürəyəm, sənsən arzum, diləyim.

Yaşayaraq yaşamıram əgər mən,

Ey Vətənim olmaramsa gərəyin.

Torpağını geyinərəm əynimə,

Kür, Arazı axıdaram könlümə.

Xəzərimi məlhəm edib gələrəm,

Ey vətənim, dəyən olsa könlünə.

Məğrur səsin azadlığın sədası,

Şəhidlərin ölməzliyin nidası.

Azərbaycan qalibiyyət dünyası!

İgidliyin sarsılmayan qalası!