Bəhram Bilaloğlu - Baharın gözəlliyi

Ədəbiyyat 14:43 / 20.03.2026 Baxış sayı: 436

**

Baharın gözəlliyi

Ömrümün qədəridir.

Açılmayan çiçəklər,

Sevgilər hədəridir.

**

Hədər olan saatlar

Zaman içindən keçir.

Eşqə ümid bağlayan

Haqqın suyundan içir.

**

Oyanır içimdəki

Təbiət əfsanəsi.

Paslanan fikirlərin

İşləyir tərsanəsi.

**

Hər il ömrə təravət,

Yaşıl oyanış gəlir.

Böyüyürəm şüurla,

Yaşım, fikirlər dəlir.