Əşrəf  Veysəlli - YAZIN NƏFƏSİNİ

Ədəbiyyat 19:05 / 20.03.2026 Baxış sayı: 328

…

Abırdan, həyadan paltar geyinər,

Yanağı allanar söz deyən kimi.

Özünü istədən məsum körpələr

Qımışıb özünü istədən kimi.

Göyçək qamətini görcək uzaqdan,

Sandım ki, haqq onu yaradıb haqdan.

Gizlətdi döşünü-

bostançı tağda

Sütül şamamanı gizlədən kimi.

Şəninə nəğmələr ötdükcə dillər,

Açılar çöhrələr, gülər könüllər.

Yarını gözləyər,-

qönçədə güllər

Yazın nəfəsini gözləyən kimi.

2019- cu il.