Əlizadə Nuri - Eşqdən dodaqları çatlayan ömür

Ədəbiyyat 20:34 / 06.02.2026 Baxış sayı: 261

 

Getməyi seçdinsə, get buralardan,

Apar əllərini, kölgəsi qalsın.

Götür dünyanı da, halalın olsun

Tək mənə "ayrılıq ölkəsi" qalsın.

 

Səndə gizlənmişdim, çıxıram çölə-

Gedib dost olacam o quşlar ilə.

Dünən əllərinlə oynadığımtək

Bu gün oynayıram yağışlar ilə...

 

Eşqdən dodaqları çatlayıb ömrün,

Özüm də bilmirəm indi necəyəm.

...Yığacam yanıma bu adamları

Hamıya darıxmaq öyrədəcəyəm...