Bəhram Bilaloğlu-Bu şerimlə ərz edirəm

Ədəbiyyat 13:54 / 08.07.2026 Baxış sayı: 1783

Bu şerimlə ərz edirəm,

Yükləməyin adamları.

Zaman verin dəyişməyə,

Təkləməyin nadanları.

 

Məhəbbətdən dilə gəldim,

Qınamasın dostlar məni.

Sevgi deyən adamlarda

Qurulmasın postlar qəmi.

 

Kimsən axı, nəçisən sən?

Unutdunmu kimliyini?

Keçmişinə dönüş etsən,

Taparsan öz mənliyini.

 

Ağac onun, bar da onun,

Əkdiyindən dərir məhsul.

Savab olsun, günah olsun,

Qərar verən odur, məsul.