Dünya nə cür olub görən,

göyüm, göyüzüm olmamış;

burda kim yaşayıb, ölüb

yer üzü bizim olmamış;

alnıma baxdım yazılıb,

baxtımın taxtı yazılıb;

ömrümün vaxtı yazılıb,

yazılıb, özüm olmamış;

mən necə xalıq olmuşam,

buz tutub, donuq olmuşam;

dəryada balıq olmuşam,

dəryam, dənizim olmamış;

Ay üzünə tutdun məni,

su üzünə qatdın məni;

Yer üzünə atdın məni,

Yer üzü nazil olmamış;

dərdi dənələdin, Allah,

ömrü sənələdin, Allah;

məni mən elədin, Allah

mən hələ Nazim olmamış.

01.05.2002.Bakı şəhəri.