Bu axşam ovqatım qarışıb yenə,

Çəksəm ,bitirəcək məni bircə ah!

Elə dərdlərini yaşamışam ki,

Bəndəndən xəbərin olubmu , Allah?

Sanki yaşayıram son günlərimi,

Bəlkə kövrəlməyin heç yeri deyil.

Bu nimdaş ömürdən nə umum, axı,

İllər gəncliyin o illəri deyil?

Hamıdan gizlədib baxışlarımı,

Xəlvəti yaxama yaş çiləmişəm.

Dərdə verməyə ta ömür qalmayıb,

Ömür də yalanmış heç bilməmişəm.

Yığ yığış eləyib çıxmışam yola

Nə fərqi uzun, ya kəsə gedəcəm.

Özümlə bir yolluq girib qol -qola,

Yalandan ,gerçəyə səfər rdəcəm.

Axır dayanacar , bu da son qatar,

Yolları gözümə yığacam bir gün.

Dünyanin bir gözlü pəncərəsindən,

Mən də ,hamı kimi baxacam bir gün!