Bəhram Bilaloğlu -  Dünya fani demə, ey dost

Ədəbiyyat 11:16 / 06.07.2026 Baxış sayı: 1465

Dünya fani demə, ey dost,

Bu dünyada izlər qaldı.

Müsafirlər kitabından

Yaddaşlarda sözlər qaldı.

\

Dörd fəsildən qopdu, getdi

Yarpaq-yarpaq səhifələr.

Xatirələr dolaşanda

Yada düşdü lətifələr.

 

Bəzən gülüş, bəzən qəmli,

Oxuduğum cümləsiz siz.

Fanilikdən ötən ruhlar,

Adamlara qibləsiz siz.

 

Duyanlara salam olsun,

Gedənləri yad etdilər.

Qoruyaraq sərvətini,

Gələn nəslə ad etdilər.