Ata lap loğman olsa belə, övlad yaşından asılı olmayaraq ,bir yeri ağrıyanda anasını səsləyər.

=

İlk yalanı anamız deyib bizə.Ac olsa da,özü yeməyib,bizə verib.Deyib ki, " mən yemişəm,toxam".

=

Sadə ,səmimi,böyük qəlbi olan insanlardan sui istifadə etmək cılız insanlara məxsus olan kryfiyyətdir.

=

Qorxa-qorxa ,astadan söylənilən həqiqət ,yazıq həqiqətdir.

=

Səni incidən nadinc uşağın ,uşağa həsrət qalanın ən böyük arzusudur.

=

Övladların səndən pul-para deyil,ağıllı məsləhətlər istəyirsə,demək səndə alınır.

=

Üzü yumşaq olanın ,cibləri də çox zaman təmiz olur ,ürəyi,vicdanı kimi...

=

Hökm ilə bir insanın əqidəsini dəyişə bilirlərsə,o adam əqidəsiz adamdır...

Əqidəsi yoxdur...

=

Üz qabığı gözəl olan hər kitab maraqlı olmaz ,hər gözəl geyinən insan isə dəyərli.

=

İnsana rahat yuxunu qəlbinin ,ruhunun rahatlığı ,dincliyi gətirir.

=

Öz yolunun olması üçün ağlın,gücün,iradən,istəyin yetərincə olmalıdır.

=

Əllərindən bir iş gəlməyən bacarıqsız,lovğa adamlar - "başlarından yekə " danışanlardır .

=

Yaşamaq üçün azca pulun,gecələməyə kiçik daxman,sağlam canın varsa,şükr elə!

Evsiz-eşiksizlər,sağalmaz xəstələr də var.

=

"Vaxtı öldürə-öldürə " yaşayırıq bəzən...

Unutmayaq ki,bizi elə "öldürdüyümüz" vaxt öldürəcək...

=

Şərəfsiz insan lap uzun illər vəzifədə işləsə belə,şərəfsiz olaraq qalır.

=

"Vaxtım yoxdur"-xahişi,köməyi...yerinə yetirməmək üçün işlədilən ən populyar kəlam-bəhanə...

=

İstedadlı olmasan da,ağlına söykənən zəhmətsevərliyin sayəsində hədəfinə çata bilərsən .

=

Hər təbəssümün ardınca gülüş,hər gülüşün ardınca qəhqəhə gəlməz.

=

Kiminsə arxasınca qaçmaqdansa,konkret hədəfinin arxasınca qaç!

O zaman daha şanslı olarsan.

=

Zamanında "bu filankəsin övladıdır"- deyiblərsə, indi isə səni göstərib,"bu filankəsin valideynidir"- deyirlərsə,xoşbəxtsən.

=

Saf qəlbin işığına doğru alçaq insanlar da qaçar,amma o qəlbin qapısından içəri keçə bilməzlər.

=

Başqalarının nöqsanlarını "qırmızı-qırmızı" üzlərinə deyən adamın səhvsiz olduğunu düşünmək yanlışlıq olardı.

=

İnsan ona havayı verilənlərin qədrini çox zaman bilmir,bu da ona baha başa gəlir.

=

Saatını itirsən də,zaman gedər...

Vicdanını itirsən "vicdansızlıq" baş alıb gedər,hər şey gedər...

=

İnsan özü özünün həm müəllimi,həm həkimi,həm hakimi olmalıdır.

İnsanın özünə ən yaxın dost,sirdaş,yoldaş elə onun özüdür.

=

Qaranlıqda günəş eynəyində gəzənin ağlı ilə ,Ay işığında "günəş vannası" qəbul edənin ağlı arasında fərq elə də çox ola bilməz.

=

Allahın verdiyinə şükr edən ,sabaha ümidlə baxan əsasən kasıb insanlardır.

=

Qusmaq,qaytarmaq xəstəlik əlaməti olsa da,dövlətimizi talayıb yeyənlərin yediklərini qusmaları yaxşı haldır,sevindiricidir.

=

Narahatlıqda rahatlıq tapanlar ,rahatlıqda rahat yaşaya bilməzlər...

=

Vay o günə ki, sənə sədaqətli olan itin də qudura.

=

İnsan zirvəyə qalxanda ,ayağının altından qaçan daşların kiminsə "başına düşməsi" ehtimalı böyükdür.

=

Ürəyimizi çox açıq qoymayaq...

Açıq qapıdan içəri hər cürə insan girər...

=

Zamanında "Əşşi,nə deyirlər,desinlər"- deyə düşünməyimiz bizi məsləhət bilinməyən yolun yolçusuna çevirir...

=

Məni axtarıb tapmaq istəyən xöşbəxtlik gələrkən yolda müalicəsi olmayan sağalmaz azara tutulub...

=

Ən ağır yük insanın boynuna düşür.

=

Gözəl sənəti( təhsili,peşəsi) olanlar da var...çoxlu pulu olanlar da...həm sənəti,həm pulu olanlar da...sənət və pul arasında çabalayanlar da...

=

Yaxşılıq etmək, xeyirxah işlər görmək barəsində düşünürsənsə,sən artıq o işi görürsən...

=

Boğaz insanı özünüidarə etmədən çıxaran orqandır.

Çünki can "boğaza yığılandan "sonra arzuolunmaz olaylar,hadisələr baş verir...

=

Hər şeyin bahalısına can atan insan,çətinliyə düşəndə ölümün ucuzunu istəyir.

(Allah,mənə bir ucuz ölüm ver)

=

Öz kölgəsindən də ürkən insanlar qaranlığı sevərlər.

=

İnsanın göz qapaqları ona görədir ki, o görmək,baxmaq məsləhət bilinməyənlərə gözlərini qapasın,yumsun.

=

İnsanları sevərək" ürəyinin başında" ,"gözlərinin üstündə" gəzdirənlərin,sonda ya ürəkləri çatlayar,ya da gözləri tutular...

=

Düşündüklərim mənimdir,söylədiklərim, danışdıqlarım Sizindir,dinləyənlərin...

=

"Gözünün içinə qədər" olan yalanlar ən böyük yalanlardır.

=

Tozlu,palçıqlı yoldan asfalt yola özü çıxan adam ,tozdan,palçıqdan qorxmaz.

=

Dünyaya göz açan insanların hamısına Allah abır-həya verir.

Sadəcə onları itirənlər olur.

=

Xoş vaxtlı olanlar elə xoş bəxtlidirlər,xoşbəxtdirlər.

=

Sən saydın,saymadın,fərq eləməz.

Onsuz da fələk sayacaqdır.

=

Dayaz fikirli adamların dərin biliyindən söhbət gedə bilməz.

=

Qara saqqallar ( saqqal saxlamaq) dəbə minəndən sonra ağ saqqallara( ağsaqqallara) hörmət etmək dəbdən düşməyə başlayır.

=

Bir-iki qüllablıq həzz üçün tüllablıq eləyənlər var.

=

Pilləkənləri tikəndə,quranda qollar,tutacaq da düzəldirlər onlara.

Onlardan tutmasan yuxarı qalxa bilməzsən,yıxılarsan.

=

Var-yoxlarını "söydürə-söydürə var yığanlar da var...

Var-yoxlarına alqış qazandırıb,varsız qalanlar da...

=

İnsan özü-özünə qənim kəsiləndə qənim olanda ,daha Allahın qənim olmasına ehtiyac qalmır.

=

Yeməklə doymayan yalamaqla doymasa da, yalmanmaqla doyur.

=

Hər yüyürən mənzil başına tez çatmır...Özün də yıxıla bilərsən...badalaq da vurub yıxa bilərlər...

=

Dərdlərim kefdədir,çiçəkləri çırtlayıb...

=

Ürəyin xəstə olsa da,ağlın xəstə olmasın.