Ağaevli Əli Hacı - Sənə

Ədəbiyyat 09:31 / 06.07.2026 Baxış sayı: 2152

İndi,çətin yaşamaq,

Ona,buna qarışmaq !

Öz oduna alışmaq,

Dili öyrədim sənə !

 

Cır yaxamı, gendə dur

Olmamağ-gendə qüsur !

Haram yeyənlər qusur,

Əlin öyrədim sənə !

 

Bir yaşmaq tut üzünə,

Dağı unut düzünə !

Elə oxşat sözünə ,

Eli öyrədim sənə !

 

Çox dərdimin azı var,

Dərdə də tamarzı var !

İçimdə bir arzu var,

Olu öyrədim sənə !

 

Şah olsanda kölə öl,

Şaxta vuran gülə öl !

Gəl, könlümdə elə ol

Ölü öyrədim sənə