Əgər insanların gözlərinin içinə düz baxa bilirsənsə,deməli şərəfli ömür sürürsən.

=

Qlobal istiləşməyə doğru getdikcə, insanlar arasında münasibətlər soyuyur...qonşunun qonşuyla...qohumun qohumla...

=

Bəlkə qaranlıq gecələri işıqlandıran Ay deyil, həmişəsəhər üzlü insanların işiq,nur toplusudur?

=

"Kiçilə-kiçilə böyüyənlərin " fiziki boylarının ölçülərindən asılı olmayaraq,mənəvi boyları kiçik ,qısa olur.

=

Məsuliyyət hissi ən dəyərli hiss,məsuliyyət yükü ən qiymətli yükdür.Məsuliyyətli adam isə mənəvi zənginlik daşıyıcısıdır.

=

Ürəkləri laləzər olan insanların adətən ciblərində "quraqlıq " olur.

=

Ölməkdən qorxma,ölə-ölə yaşamaqdan qorx.

=

Pul yığmaq ,sərvət toplamaq ,varını- dövlətini artırar,

xeyirxah olmaq,səxavətli olmaq hörmətini,şöhrətini...

=

Yüksək vəzifə böyük adamlar üçün böyüklüyün,

alçaq adamlar üçün alçaqlığın yüksək mərtəbəsidir...

=

Görən gözlərinə lap qızıldan eynək tax...qəlbinin gözləri kordursa heç nə...

=

Var-dövləti ,xəzinəni özlərinə dost seçənlərin ,həyatda gözəl dost kimi xəzinələri çətin ola.

=

Ehtiyacın əydiyi insanların qədd-qaməti ,qocalığın əydiyi qədd-qamətdən daha çox ağrı,əzab,əziyyətl verər.

=

Minnətlə verilən çörəyi,xörəyi yeyən adamın ağzı dada gəlməz.

=

Saxtakarlığı doğuran səbəblər:

yaltaqlıq,qorxu,rüşvət...

Saxtakar ziyalılar cəmiyyətin bədxassəli şişləridir.

=

Köhnə kişilərdən ol,köhnəlmiş kişilərdən yox.

=

Gücünə güvənin yoxdursa,gücənməyinin heç bir faydası olmaz.

=

Yaltaqlığı özlərinə həyat yolu seçənlərdən xeyirxahlıq gözləmə.

=

Yemək xatirinə səninlə dostluq edən adamdan, qabağına bir sümük parçası atdığın it daha sədaqətlidir.

=

Eşşəyin belinə çul ( palan) əvəzinə yəhər qoysan belə ,ona at deyil,yenə eşşək deyəcəklər.

=

"Daldan atılan daş dəyər topuğa",arxanca danışılan söz bənzər lopağa.

P.S.Lopağ-şişirtdiyin ordundakı hava( sənə ziyan gətirməz)

=

İçimdə məskən salan dərdlərim dəlləklik edirlər orada.

=

Hər qızıl gəzdirən qızıl xasiyyət daşıyıcısı deyildir...

Sadəcə qızıl daşıyandır.

=

Sənə qulaq asmayana nəsihət vermək ,daşlıqda,çınqıllıqda saf toxum əkib,məhsul götürmək istəyi kimidir.

=

Gözlərindən bir damcı yaş çıxmayan daş ürəkli adamları soyduğu soğan da "ağlada bilməz".

=

Dili,ağzı zəhər olanın nəinki "halva-halva " deməklə,heç halva yeməklə də ağzı şirin olmaz .

=

Adamlar var "yekəlib" "vəzifə" alırlar.

Adamlar var pillə-pillə yüksəlirlər... böyüyürlər ...onlara vəzifə verirlər.

=

Tamahkar olmayan adamın şad,sevincli günləri,qəmli,kədərli günlərindən qat-qat çox olur.

=

İnsanların gözlərində yüksəlməyi bacarmayanlar,öz gözlərində yüksəldikləri mərtəbədən tez yıxılarlar.

=

Əgər ailədə mehribanlıq, əmin-amanlıq şəraitində ,qazancınla kifayətlənib ,sağlam canla yaşayırsansa ,çox böyük nemətlərə sahibsən.

=

Dərdlərim kökəlib,qəşəngləşib,yanaqlarından qan damır.

=

Təmiz ürək elə bir yerdir ki,orada nə qədər çox adam məskunlaşsa belə təmiz qalar,çirklənməz.

Çünki təmiz,saf ürək çirk götürməz.

=

"Mən Allahdan başqa heç kimdən qorxmuram"- deyən adam,Allahdan qorxma ,Allahın sənə olan sevgisini itirməyindən qorx.