Adil Cəfakeş - TƏKLƏNİBDİ

Ədəbiyyat 15:25 / 20.05.2026 Baxış sayı: 173

 

Qarşımdakı kağız da,

Mizim də təklənibdi.

Özüm də təklənmişəm,

Sözüm də təklənibdi.

 

Tək qalıb göydə hətta,

Ruhum yeddinci qatda.

Öləziyib kül altda,

Közüm də təklənibdi.

 

Haya gələn adıma,

Hələ düşmür yadıma.

Yetə bilmir dadıma

Dözüm də təklənibdi

 

Hey mənə göz dururlar,

Yazıram pozdururlar.

Yalana yozdururlar,

Düzüm də təklənibdi.

 

Cəfakeşəm, ay ana

Ağrı verir dərd cana.

Yarıyoldan bu yana

İzim də təklənibdi