Əşrəf Veysəlli - SƏNİ GÖRDÜYÜM GÜN

Ədəbiyyat 10:11 / 20.05.2026 Baxış sayı: 254

 

Dünyanın ən gözəl günü bilmişəm

Sən mənim qarşıma çıxdığın günü.

Ömrümün ən gözəl gülü bilmişəm

Gülüb, gözlərimə baxdığın günü.

 

O gündür, o gündür, o gündür, gülüm,-

Hisslərin əlində boğulduğum gün.

Sənin baxışınla vurulub, ölüb,

Sənin ürəyində doğulduğum gün.

 

Həlim bir duyğutək sinəmə axdın,

Mehrini könlümdən uzağa salma.

Mən səndən yapışıb ayağa qalxdım,

Ay eşqim, sən məni ayağa salma.

2019- cu il