Elr Uğur Abdiyev - Şəhid
Ədəbiyyat
09:00 / 12.04.2026
Baxış sayı: 331
Cənnət qoxuludur ,zəfər müjdəli,
Şəfaət mənbəyi hər ruha Şəhid!
Məzarı önündə güllər səcdəli,
Sevginin özüdür sabaha Şəhid!
Ruhlarda yer etdi o ruh, eşqiylə
Dünəni qorudu sabah eşqiylə,
Vətən sevdasıyla,Allah eşqiylə,
Min utanc yaşadır günaha Şəhid!
Bu yerin üstündə,göyün altında,
O qara daşdan ucuz daş- qaş,altun da!
O eşq dərgahında,sevgi qatında,
Hər ruhdan yaxındır Allaha Şəhid!
