Xatirə   Rəhimbəyli : - Sən mənə taleyin zulum payısan

Ədəbiyyat 10:12 / 08.04.2026 Baxış sayı: 239

Sən mənə taleyin zulum payısan,

Göynəyən könlümü bir üfləsən sən ...

Ruhumun qısılıb dustaq qaldığı

İkicə kəlmədən özgə nəsən sən ?

 

Gördünmü quruyan qaxac ömrümü ,

Cismimi qovuran bu sac ömrümü ?

Bu kədər yarpaqlı ağac ömrümü ,

Noolar , bircə kərə silkələsən sən ?!

 

Namərd quyulardı , xəbərçi qamış ,

Könlümdə bir zərrə inam qalmamış...

Etibarı perik , ümidi sınmış

Ürək nələr çəkir...Nə biləsən sən ...