Şakir  Xanhüseynli  - Mənə uzat əllərini

Ədəbiyyat 11:00 / 18.05.2026 Baxış sayı: 546

Mənə uzat əllərini

hərdən-hərdən

şərdən uzaq əllərini...

Uzat, uzat əllərini,

sevgiyə, sayğıya uzat,

özünü et dərddən, kədərdən azad...

Əllərinlə sevin, əllərinlə gül,

kədərlənməyini heç istəmirəm,

olan tez olsun da, gec istəmirəm,

görməyə bir iş tap əllərin üçün...

Bax əllərinə

say barmaqlarını;

bir, iki...

bizimki

buracanmış ki...

Uzat əllərini,

uzat əllərinin hərarətini,

uzat, əllərinin bil qiymətini!.