Əbülfət Mədətoğlu - Bu ömür ağacının...

Ədəbiyyat 10:11 / 18.05.2026 Baxış sayı: 603

Hər gün artır düyünləri, zədəsi

Basqıları, göz dağları , hədəsi...

Yaxınlaşır qırılmağın vədəsi -

Bu ömür ağacının...

 

 

Gah yağışlar, gah da onu sel əyir

Gah küləklər, gah da onu yel əyir...

Gah baltalar, gah da onu əl əyir-

Bu ömür ağacını...

 

Çiçəkləmək istəyiylə kükrəyir

Tumurcuqda nəzər dəyir, büdrəyir...

Bəzən aşkar, bəzən içdə titrəyir -

Bu ömür ağacı...

 

Zaman özü suyun, odun azaldır

Həm havasın, həm də yodun azaldır...

Qarışdırır...yaşam " xodun" azaldır -

Bu ömür ağacının!