Bu dərd mənə od vurdu,için -için yandırdı,

Papağını yan qoyub,eləcə də yan durdu.

=

Yaltaqların çox artırma yeməyini,yalını,

Unutma sən,əyilməyən əyni-başı yalını.

=

Paxıl insanların daxili bütün paxır,

Paxır paxılın için yeyəcək axır.

=

Bir kimsənin əgər varsa təpəri,

Mütləq aşacaqdır hər bir çəpəri.

= Var-dövlət ,pul ,nəmənədir,nəmənə,

Ha topla ,yığ,qalmayacaq o nə sənə,nə mənə.

=

Ola bilməyibsə o,əsil həyat yoldaşı,

Demək adicə daşdı,yolda duran yol daşı.

=

Dostlar ,məndən nə olacaq istəyin,

Bir canım var qurban Sizə...istəyin.

=

Vətəndə qoymayanlar daş üstünə bir daşı,

Sərvətin talan edirlər...daşı ha,daşı...

=

Acı bibəri yeyərlər büküb çörəyə , fətirə,

Acı sözü də yeyərlər bir şirinə,xətirə.

=

Bir insanda varsa əgər göz yox,qəlbin korluğu,

Yaxşıları pis görməkdə çəkməz heç vaxt korluğu.

=

Bir demir,iki demir,deyir beş qat,on qatı,

Dedikləri məntiqsiz ,"çevur tatı,vur tatı".

=

Kişi var papaqlı,yaraşıqlı ,xoş,

Kişi var papağı elə qalsın boş.