Xəyal qura-qura keçdi illərim –

gəmi üzdürərdim əngin sularda...

Gəmim yoxdu, ancaq göz yaşım vardı;

dünyada heç nəyə gücüm yetməsə

gözümün yaşıyla savaşım vardı...

Nə vaxtsa, nə vaxtsa... köhnə vaxtlarda

mənim də gecəm var, gündüzüm vardı...

Sonra nə oldusa oldu, əzizim, –

bir axşam baxdım ki, ulduzum yoxdu,

bir səhər oyandım – danüzüm yoxdu...

Sonra nə oldusa oldu, əzizim, –

qurduğum xəyallar qumdan qala tək

gözümün yaşında yuyuldu getdi...

Bir də onu gördüm kağızdan gəmim

çırpıldı kiminsə buz ürəyinə;

bir də onu gördüm dənizim yoxdu...

Bir də onu gördüm daşam – susmuşam,

balığam – susuzam, quşam – göysüzəm...

Xəyal qura-qura keçib illərim;

uduzmuşam ömrü...

ancaq di gəl ki,

elə yorulmuşam, elə heysizəm,

təslim olmağa da qalxmır əllərim!...

/iyul, 2021/