Ələsgər ƏLİOĞLU : - GECİKMİŞ SEVDA NOTLARI

Ədəbiyyat 18:54 / 14.12.2025 Baxış sayı: 1105

 

Taleyim payızın cənginə keçib,

Durnatək başlayıb hisslərin köçü...

O ötən günləri qaytarmaq üçün,

Nə bərk başlamısan səs-sorağa sən.

 

Xeyiri yox...göydən gül-çiçək yağsa,

Mənim qismətimin yolunda yoxsan...

Yenidən meylini salmısan yoxsa,

Baxımsız qoyduğun bağça-bağa sən.

 

Zaman öz işində, zaman hərlənir,

O axar sularım daha lillənir...

Ömrüm günbatana gəlib dirənir,

Təzədən düşmüsən əl-ayağa sən.

14.12.2025