Zəka Vilayətoğlu - Oxu, Zəka!
Ədəbiyyat
15:00 / 23.12.2025
Baxış sayı: 786
Neçəki qəlbində yaz havası var,
sevgi nəğmələri yaz, oxu, Zəka!
Azdır, köksündəki sevən ürəyə,
dəysə yüz min kərə naz oxu, Zəka
Kim deyir sevgidən yalan yazırsan?
Eşq edib könlünü talan, yazırsan,
hər nə yazırsansa nalan yazırsan,
götür sinən üstə saz, oxu, Zəka!
Pisliyə yer yoxdur sevən könüldə,
Sevgidən boy atır çiçək də, gül də.
Neçə nəğmə yatır çiçəkdə, güldə
Keçmə bu sevgidən vaz, oxu, Zəka
