Bir az da təbəssüm.

Qadınlar həyat yoldaşları çox içməsinlər deyə bayram günləri "gücləndirilmiş iş rejimində " işləyirlər.

=

Bir var intellekt səviyyəsi,dünyagörüşü,mədəniyyəti yüksək olan məşhur adam.

Bir də var "ala itdən məşhur adam"...

=

Adam var ki, danışığını dinlədikcə ,"ağzını burun dəsmalı " ilə sildiyinə tam əmin olursan.

=

"Vay-fay "olan evdə evin kişisi işdən gələndə bəzən " vay-vay " da olur.

=

Arvad ərini tez-tez divara dırmaşdırsa da,ərinə "alpinist" deyil,evin kişisi deyirlər.

=

Əkəndə məzuniyyətdə,biçəndə ezamiyyətdə,özünü yeməyə çatdıra bildi.

P.S."Əkəndə yox,biçəndə yox,yeyəndə ortaq qardaş " məsəli.

=

Ağzından süd iyi gələn uşaqlar...

Ağzından "malış" iyi gələn uşaqlar...

=

Həyət bacası pis gündə , it yalı belə bişirməyi bacarmayan natəmiz arvadların kişiləri darvazalarından at nalı da asırlar.

=

Ölçüsündən asılı olmayaraq ayaqlar yekə başları,"yekəbaşları" gəzdirməyə məhkumdurlar.

=

Artıq şairlərdən də "keysəriyyə " əməliyyatı ilə şeir "doğanlar" var...

=

Bir nəfər deyirdi:

"Ayaqlarım yanımdaykən gedib mağazadan bir cüt ayaqqabı alım".

=

Həm balqabaqlar ( boranılar),həm də "balqabaq " adamlar moddadırlar,"xod " gedirlər

=

"Ölənlər dirilməz" bu belədir,"gülməkdən ölənlərdən " başqa...

P.S."Gülməkdən ölmüşdüm" deyimi yadıma düşdü...

=

Hər çapıb talayan məmurun arxasında bir korrupsioner "dayı" durur.

=

Düz əməlli olmayan birisi araqdan" bəs qədər vurub ,düz paya kimi" durub ,düz yolu düz gedə bilmədi.

=

Korrupsionerləri cəzalandırmaq effekt verməyəndə ,onları mükafatlandırmaq lazımdır ki, bəlkə xəcalət çəkib,düz yola qayıdalar....

( Belə hallar tez-tez olur bizdə)

=

Məmurlar quda təhlükəsizliyini önə çəkərək,qida təhlükəsizliyini arxa plana sıxışdırırlar...

=

Qonaq sevməyən insanların evlərinin qapısını tıqqıldadanda ürəkləri guppuldayar.

=

Evdə arvadının axmağı,

Göldə kişilərin yanında yaxmağı...

=

Ərini arvad saxlar?

Saxlasa "bərbad" saxlar...

=

Piyada ,yəni ayaqları ilə getdiyi yolla ,"ayaqyolunun " fərqini anlamayan var birisi...

=

Torpağa sanki təpinib deyiblər:

"Sürüş burdan"...

P.S."Sürüşmə zonasını" düşünərkən...

=

"Qəpiyə güllə atırmış "ki, yığdığı manatlara, dollarlara,avrolara yaxın gəlməsin...

=

"Hər şeyin təzəsi, tostun köhnəsi":

"İçək bu badələri içməyənlərin sağlığına"...

=

Əvvəllər deyərdilər ki,"filankəs at oynadır"...

İndi isə "maşın oynadırlar"...