Kəmaləddin  Qədim - ÇATANDA ƏLİM ÖZÜMƏ...

Ədəbiyyat 10:26 / 25.03.2026 Baxış sayı: 206

 

Mən özümdən yıxılanam,

Qoy durum, gəlim özümə.

Elə, düşdüyüm kimi də

qalxım, dikəlim özümə.

 

Elin-günün halı halım,

Zəhri zəhrim, balı balım.

Ən qiymətlim, ən bahalım,

gövhərim, ləlim özüməm.

 

Həyan özüm, qənim özüm,

Suyum özüm, dənim özüm.

Özüməm düşmənim, özüm,

vurğunum, dəlim özüməm.

Açam, gülümü görəsən,

Yanam, külümü görəsən.

Gəlib günümü görəsən

çatanda əlim özümə...