Səsin tonu söz çəkisini itirəndə qalxar.

=

Söz qidası zəif olan fikir çox zaman "xəstə " olur.

=

Gecə yaxamdan yapışıb, məni sürüyə-sürüyə ömrümün növbəti səhərinə aparır.

=

Kiminsə qoltuğuna sığınmağınla deyil, ehtiyacı olanlara qoltuq ağacı olmağınla öyün,qürrələn.

=

Ona verilən lap kiçicik məsləhətə görə təşəkkür etmək mənəvi zəngin insanlara məxsus keyfiyyətdir.

=

İnsanlıq olmayan yerdə ləyaqət axtarmaq gülüncdür.

=

Əslində insanı heç bir yerdə ,heç nə gözləmir.

İnsan hər şeyi özü ilə aparır.

=

Ağacı içindən qurd yeyər,insanı dərd.

=

Özünü pislik eləmək istədiyi adamın yerinə qoymağı bacaran kəs,heç bir vaxt pislik etməz.

=

Hər çətinlikdə bir imkan görən adam nikbin,hər imkanda bir çətinlik görən adam isə bədbin adamdır.

=

Ədəb-ərkanlı olmaq,qəhrəman olmaq demək deyildir.Sadəcə onun alçaq,yaramaz işlərdən uzaq olması deməkdir.

=

Qorxa-qorxa ,astadan söylənilən həqiqət yazıq həqiqətdir.

=

Hər hansı bir yerdə olursa olsun,özünü artıq hiss eləyib,üzüsulu uzaqlaşırsansa,hər cür tərifə layiq birisən .

=

Qorxa-qorxa yaşayanların da,işləyənlərin də gözəl gələcəklərinə ümid etmək məncə inandırıcı olmaz .

=

Etdiyi səhvləri düzəldib,bir daha təkrar etməmək, insanın ən böyük bacarıq,qabiliyyətlərindən biridir.

=

Hər ağacdan yaxşı kötük olmaz.

=

İnsan əməllərinə nəzarəti itirəndə,"əməlləri azır."

=

Amalların ülvidirsə,xeyir əməllər daşıyıcısı olmağın mütləqdir.

=

Əgər istedadlı adam məhv olursa,əsas səbəblər aşağıdakılardır:

tənbəllik,avaraçılıq,istedadsızların arasına düşmək,ətrafında xainlərin,paxılların çoxluğu...

Mübariz olmamaq!

=

Xəyal yeganə yerdir ki, orada sənə irad tutmur,səni mühakimə etmirlər,səni izləmirlər,"gözün üstə qaşın var" belə demirlər.

=

Əgər adam heç kimi sevmirsə ,bəyənmirsə,onu kiminsə sevəcəyi inandırıcı deyildir.

=

Özü-özünə tərbiyə verməyi bacarmayan insan,başqaları tərəfindən həm çətin tərbiyə olunar,həm də çətin islah olunar .

=

Əgər insan paxıllıq edirsə,deməli paxıllığını çəkdiyi insanın ondan üstün olduğunu bilir .

=

Bu gün "vaxtım yoxdur" deyib bəhanə gətirərsən ,sabah gücün tükənə bilər,o birisi gün isə özün olmaya bilərsən .

Hər işi zamanında gör,yaşa!

=

İnsanın qəlbində məhəbbət qaynayanda ,onun nifrəti donmalıdır.

=

Nə xeyirxah,nə də səxavətli insan çətin ki,qənaətcil ola.

=

Hansı evdə çox vaxt bayram əhval-ruhiyyəsi hökm sürürsə ,orada mehribançılığın ,səmimiyyətin olduğu şübhəsizdir.

=

Gündüzlərim günlərimi "göy əskiyə bükür,bükür"...

gecələrin ağuşuna tullayır hər gün...

=

İnsana deyil,insanlığa xidmət etsən ,həyatının ən yüksək mükafatını əldə edərsən.

=

Əgər sən maddi cəhətdən bir kimsədən asılı deyilsənsə,artıq azad insansan.

=

Ünsiyyətdə olduğun adamlar gözəl insanlar deyil,"elə-belə " adamlardısa, uğur qazanacağına ümid eləmə...

=

Öz üzərində daima çalışan,mütaliə edən,mülayim xasiyyəti olan ,səbrli,inamlı insan,ağılla hərəkət edərsə,uğur qazanmaq şansı çox olar.

=

Bəzən kitablardan aldığın dərsdənsə,həyatdan aldığın dərsin( həyat dərsi) faydası daha çox olur.

=

Özünə hakim ola bilirsənsə,ən hünərli insanlar sırasındasan.

=

İnsanın qabiliyyəti,bacarığı iş prosesində təkmilləşir.

=

Sevgi ,məhəbbət dolu ürəklə nifrəti çökdürüb,məğlub etmək olar.

=

Səslərinin "yoğun yerinə" salan adamlar ,adətən haqsız olan ,"qabaqdan gəlmişlik" edənlərdir.

=

Ağıllı olmaq gözəldir.

Amma ağlın gücü ilə xeyirxah işlər görüb,sevilmək,nüfuz sahibi olmaq ikiqat gözəldir.

=

Səbrli olmaq-oturub gözləmək deyildir.

Əksinə fəaliyyət göstərib,tədricən hədəfə doğru irəliləməkdir.

=

Çətin məqamlarda özünə təsəlli,ürək-dirək verməyi bacardınsa,əlavə güc,qüvvət əldə etmək şansın artır.

=

Baxışlar da bucaqlar kimi olur:

iti

kor

düz.

=

"Hörmətli","sevimli ",şanlı" məktublar yazdığımız zamanlarda ,hörmət də,sevgi də ,"şan" da öndə idi,çox dəyərli idi.