Yaltaq adam pitraq kimidir.Vəzifəli adamın hər yerinə yapışır.

=

Qorxudan əsən ayaqlar başı dik saxlaya bilməz.

=

Mahiyyətindəki eybəcərlikləri gördüyün saxta parıltılar səni aldatmasın.

=

Yağış sanki ölən yarpaqları ( xəzəlləri) yuyub ,torpağa tapşırır...

=

Bir sağlam döyünən ürəyin arxasında sağlam kürək durur.

=

Gözlərinizin çəkdiyi yollar Sizi sevdiklərinizlə qovuşdursun.

=

Yarpaqlar da xəzəl olmamışdan rəngləri qızarır ,allanır,gözəlləşirlər,

insanlarda ölümqabağı olduğu kimi...

=

Var arxanda dayananlar: sənə arxa,dayaq ,kömək olanlar.

Bir də var arxanda gizlənənlər:hər an arxadan zərbə vurmağa hazır olanlar.

=

Tez-tez yuyunmaq çıxış yolu deyildir,tez-tez çirklənməyin qarşısını almaq lazımdır.

=

Əgər səndən asılacaqları varsa,sənin zəhlətökən ,məntiqsiz söhbətlərinə qulaq asıb ,hətta sənə xoş gəlsin deyə, hərdən gülümsəyəcəklər də...

=

Əsəbiləşən adama ağcaqanadın vızıltısı ,qırıcı təyyarənin səsindən daha güclü təsir edir.

=

Su kranından axan saf su əlimizi vurmaqla bir andaca çirkab suyuna çevrilir.

=

Dərinin hansı rəngdə olmağının heç bir fərqi yoxdur.Əsas odur ki,heç kimin yanında üzü qara ( "üzüqara ") olmayasan...

=

Hörmət və nəhəbbət qazanmaq da ,zirvəyə qalxmaq da nə qədər çətindirsə,orada yerini qorumaq,saxlamaq da o qədər çətindir.Çünki aşağı uçurumdur.

=

Əgər adın yaxşı insanlar sırasında çəkilirsə,birinci olsun,yaxud axırıncı olsun, fərq eləməz.

=

Həyatda sevinc də var,kədər də.Xeyir də var,şər də.Əsas odur ki,hər bir halda müvazinətini itirməyəsən...

=

Səmimiyyət qızıldan qiymətlidir,insanın bəzəyidir.Səmimiyyət insanda xoş aura yaradır.

=

Xoş sözlər,ani sevinclər

"ağrıkəsicidir",məlhəm deyildir dərd daşıyanlara...

=

"Təmiz cibin" sahibinin əlləri də təmiz olar,ürəyi də,vicdanı da...

=

İnsanın qulağı eşitməyə bilər...

Yerin qulaqları isə həmişə sazdı,sapsağlamdı...

=

Ağlın çevikliyi onun güclü olduğunun göstəricisidir.

=

Qadın nəvazişi,səmimiyyəti, təbəssümü ...kobud xasiyyətli,qaba kişini də yumşaldıb ,mum edə bilər...

=

Qocalığın qızıl qanunu:

"Heç kimə möhtac olmadan ,sağlam canla yaşamaq..."

=

Dərdə bürünüb,qəmin işığında yol gedirəm...

=

Əynin,əlin ,ayaqların yalın olsa da,ağlın ,düşünən beynin yalın olmasın.

=

Yer kürəsindəki okeanlar,dənizlər ,çaylar dünyaya gəlib ,sonra əbədi dünyaya köçənlərə ağlayanların göz yaşlarıdır bəlkə?!

=

Doğum evindən qucağına alıb,sevinə-sevinə evə apardığın övladın ,ağlaya-ağlaya səni çiynində son mənzilə apararsa,xoşbəxtlikdir.

=

Ağlın gücü qarşısında digər güclər zəifdir.

=

Ali təhsilli cənab olmaq alicənab olmaq deyildir

=

Paltarın palçığa batsa,yaxud ləkə düşsə,təmizləyərsən...

Mənəviyyatın ləkələnsə təmizlənməz.