( Xatirə şeirlərdən)

Səni  düşünürəm...  yenə  fikrimə-

o  anlar...o  günlər...o  aylar  gəlir.

Baxıram səninlə  birgə  şəklimə -

dilimə  gör hansı  olaylar  gəlir...

Sevgi  tumurcuğu  çatlayan  vaxtı 

dönüb  gözlərimə  bir  gözəl baxdı..

Gözündən könlümə  bir  işıq  axdı -

aşıb dağ-dərəni  dolaylar  gəlir.

Üstümə doğan gün buluda  düşdü

sabahım ünyetməz  umuda  düşdü...

Dilindən qaçaraq "unut" ta  düşdü -

Dol  gözüm, ümidsiz ,   dol   , aylar  gəlir...

Toxundu  dizlərim  çaylaq  daşına

dərd  məni  qaldırdı  yaylaq  qaşına...

Gəlməz  Əbülfətin bir də  başına - 

bu  sevgi!  nə qədər  bol  aylar  gəlir!..