Arzu Hüseyn - Ən çox ağladığım gecə,

Ədəbiyyat 12:21 / 27.03.2026 Baxış sayı: 408

 

Ən çox ağladığım gecə,

Ən çox güldüyüm səhər.

Xəbərin olmur, olmasın,

Bu gün çətin gün çıxa,

Bu gün yağışdır şəhər.

Bax, ürəyim o ürək,

Nə köhnə, nə təzə tər.

Görüşümə gəlmədin,

Eynidir bəhanələr-

Bu gün yağışdır şəhər.

Gizlənib yuvasında

Qara gözlü sərçələr.

Yollar — su yarışması,

Ay halımdan bixəbər,

Bu gün yaman sənsizəm,

Bu gün yağışdır şəhər...