Sən,deyən zamandır,zaman

Nə böyük var,nə də kiçik !

Yerdə sözün qiyməti yox,

Göydə Allahdan küsmüşük !

Sən,deyən havadır,hava

Oyna dünyanın sonunu !

Çıx sinəmə,dağlara bax

Öldür gözünün qurdunu !

Sən,deyən Ay batıbdır,Ay

İş-gücümüz çıxır faldan !

Ömür-ətsiz sümük kimi,

Ağız açıq,dil qıfılda !

Sən,deyən gün gəlibdir,gün

Qəlbdən qəlbə yol ağrıda !

İçimizdə od püskürür,

Çat-çat olub çöl ağrıdan !

Sən,deyən an gəlibdir,an

Hay-küyümə elim gəlmir !

Olum tutmur əlimizdən,

Əl tutmağa ölüm gəlmir !