( qısa hekayə)

Əfqan dünyaya göz açdı.Qucaqda gəzdi.Anasının qucağı onun üçün ən isti yer-di...

İməklədi Əfqan.Yer-imək istədi.Anası onu buraxıb dedi:

--- Yer-i di...

Yer-idi...yıxıldı...qalxdı...yeridi...yüyürdü...yıxıldı...qalxdı...yer-idi...

Yer-idi, məktəbə getdi Əfqan.Məktəb onların evlərinə yaxın idi,yaxın yer-di...

Amma sinif otaqları balaca idi,balaca yer-di.

...Əfqan böyüdü,orta məktəbi bitirdikdən sonra sənət öyrənmək üçün rayon mərkəzinə getdi.Əvvəl maşınla ,sonra isə bir az piyada,yer-idi getdi...

...Əfqan peşə məktəbini bitirdikdən sonra kəndlərinə qayıtdı.

Kəndləri çox mənzərəli kənddi,yer-di.

Kəndlərində torpaqların çoxu məmurların idi,onların yer-iydi...

...Bir gün Əfqanın otardığı mal -qoyun məmurun sahəsinə, yer-inə girdi.

Məmurun adamı ona qıjandı, üstünə yer-idi,onu vurdu.Əfqan gicəlləndi...başı yer-ə dəydi...ağaclar,evlər,dərələr ...üstünə "yer-idi"...

Əfqan şikayət elədi.Ona dedilər ki,"get...get bala, boş torpaq sahəsi tapsan orada otar heyvanları,tapmasan əgər sat getsin onları...Bu torpaqlar "o"nun yer-idi..."

Əfqan boş otlaq sahəsi tapmadığından heyvanları dəyər-dəyməzinə satdı,birdəfəlik çıxdı gəldi Bakıya...

...Uzun illər məmur işləyən o adamı nəhayət ki,işdən uzaqlaşdırdılar...

O keçmiş məmurun xarici dövlətlərdəki biznesini övladları idarə edirdi.Getdi onların yanına...

...İndi həmin yer,həmin torpaq yuxarılarda oturanlardan kiməsə verilib,onun yer-idi...

İndi kənd camaatı deyir ki,bu torpaqlar vaxtilə "filan məmurun" yer-iydi...

Hamımızın son mənzili torpaqda kiçik bir yer-di.O da kimə qismət ola,ya olmaya...

...Kəndlilərin torpağını,yer-lərini əlindən alıb, "özününküləşdirən" ,işdən çıxarılandan sonra xaricdə keyf çəkən həmin o "keçmiş məmur" deyirlər ki,təbii fəlakət nəticəsində itkin düşüb... Əbədi mənzili,yer-i yoxdur...

Bəlkə də onu elə vəhşi heyvanlar yeyib...

...Əfqan isə Bakıda fəhləlik edir.Bir balaca evdə, bir kiçik yer-də yaşayır.Heç ailə də qurmayıb...

Əfqanın kəndləri üçün burnunun ucu göynəyir...Amma neyləsin ki,kəndin bütün torpaqları "yuxarıda" əyləşib idarə edənlərdən kimlərinsə yer-idi...

P.S.Mən də hamımızın bildiklərimizi ,gördüklərimizi ,yaşadıqlarımızı qısa şəkildə yazdım.

Zənnimcə yazmağın yer-i vardı...elə yer-iydi...