VAXTSIZ-VƏDƏSİZ - Ələddin Əzimli
Ədəbiyyat
21:20 / 13.09.2026
Baxış sayı: 200
Uçdu uzaqlara ömrün baharı,
Baxa-baxa qaldım mən sənə sarı.
Unuda bilmirəm o duyğuları,
Məndən hayıf aldın, vaxtsız-vədəsiz?!
Bir zaman gözümü örtdü əllərin,
Gözümün yaşını öpdü əllərin.
O nəydi başına tökdü əllərin,
Kül olub qaraldın, vaxtsız-vədəsiz?!
Söylədin gəlirəm, aşmışam dağı,
Bəs niyə gecikdin bu qədər axı?!
Oynadır qəlbimi bir həzin ağı,
Yarı yolda qaldın, vaxtsız-vədəsiz?!
