Yuxumda səni gördüm,

Ey uşaqlıq illəri!

Gördümkü mənə sarı

Uzanıbdı əlləri –

Çətindərə elindən,

Uşaqlıq illərimdən

Anam məni çağırır;

Gördümkü dayanıbdı

Bir qayanın dibində,

Gördümkü bulaq axır

Bu qayanın dibindən,..

Gözlərindən buz kimi

Suları dama-dama

Qoşulub da anama

Qayam, məni çağırır;

Oyansam boğularam,

Boğar məni həyəcan,..

Anam oğulcan deyir,

Qaya da deyir can!.. Can!..

A dağım, sənə qurban!

Çətindərə adında

Yaylağım, sənə qurban!

Qucağından aralı

Dünyanın harasında

Olsam da üşüyürəm,

Gördümkü sizə tərəf

Qaçıram, tövşüyürəm,..

Balaca Vahid adlı

Dünyam, məni çağırır...

08.11.2016