Şakir Xanhüseynli -  Addım atırsan...

Ədəbiyyat 16:48 / 20.06.2026 Baxış sayı: 350

***

addım atırsan,

adama elə gəlir

yol cərəyan xəttitək uğuldayır.

tək əlini havaya- boşluğa çəkirsən

bir səs verir kimi...

yarpaq xışıltısı da

dəyir qulağına

mis cingiltisinə bənzər

və boylanırsan ətrafa ki,

kimdi mis qab döyəcləyən...

hardasa enir, qalxır

sanki dəmirçi çəkici;

dəmir dəmirə dəyib səslənənsayaq

insan dərdi, sevinci...