Damsız ev kımıdir şairin ömrü ,

Əzəldən yaxındır ruhu göylərə .

"Sirri - İlahidir ", nəfəsdir ömür ,

Yeyir ömrümüzü vaxt zərə - zərrə .

Ruhum dərviş kimi havalanıbdır ,

Elə bil qürbətdir mənə Yer üzü .

Payız suları tək qırışır alnım ,

Demək , başlanıbdır ömrün payızı .

Dumanlı dağlara bənzəyir şair ,

Dərdlər də qar kimi başdan tökülür .

Quruyur suları dəniz ömrümün ,

Dalğa tək ötüşən günlərim ölür .

Günlər yaş odun tək közərmir daha ,

Ömrün payızına yol açıb ayaz .

Bu dünyadan vaxtsız köçən dostlarım ,

Hər dəfə sizinlə ölürəm bir az .

Hər şeir Allaha edilən dua ,

Hər şeir şairin arzu , diləyi .

Damsız ev kimidir şairin ömrü ,

Allaha bağlıdır şair ürəyi .

17 . 04 . 2026