Nazim Əhmədli - YER ÜZÜ DÜŞÜB SINACQ
Ədəbiyyat
22:18 / 28.07.2026
Baxış sayı: 211
28.07.2026.
Norveç Krallığl.
Buludlar asılıb göydən,
buludlar çətir-çətirdi;
məni Tanrı dağlarından,
bu göm-göy sular gətirdi;
ürəyim yarpaq kimidi,
payız solur, yaz göyərir;
damarımda qan yerinə,
misra-misra söz göyərir;
mən gecələr ulduzları,
səhər dan üzün görürəm;
yanıb sönən ocaqların,
külündə közün görürəm;
çiynimin bir tərəfində,
Yer üzünü saxlayıram;
ürəyimin bir küncündə,
kür üzümü saxlayıram;
bir az dünyadan qorxuram,
hər yan yanır ocaq-ocaq;
hərdən elə bilirəm ki,
Yer üzü düşüb sınacaq.
18.10.2012. Bakı şəh.
