Hər avqust ad günüm - ömürbiçənim

qısaldır ömrümü uldə bir qarış .

Təqvimi seyrəlmiş xəzan ömrümün

durub qapısında kəfənbiçən qış .

Kollara sığınan bənövşələrtək

Günlərim içində çəkir dərdini .

Bəlkə avans kimi verilib ömür ,

Həyat hər il alır verdiklərini .

Palıd kölgəsində bitən kol kimi

Həyatda çoxunun bilinmir yeri .

Yerə düşən söztək ağrınız böyük -

Ay adsız doğulub , ölən günlərim .

Anasız böyüyən bu zalım dünya ,

Analı dünyamı uçurub , getdi .

Neçə əzizlərim torpaqda deyil ,

Dərd kimi könlümün çatında bitdi .

Yollar ayrılıqdan keçir , əzizim -

Ölüm ayrılığın ən son ünvanı .

İnsan yaşlandıqca günləri saymır ,

İllər çıxdaş üçün sayır insanı .

22 . 08 . 2026