Dilim susuz qalıb,bar verə bilmir

Baxışlar yorulub eyni nöqtəyə !

Nə yerdə yer tapdı ruhum dincələ,

Nə bir qapı tapdı çəkilə göyə !

Yalan süfrəmizə çörəkdi,duzdu

Sərhədsiz satılır namus da,ar da!

Qeyrətlər tutulur,şərlər üzünə

Ədalət can verir,bilmirsən harda !

Nə böyük qalıbdır,nə də ki,kiçik

Diskateka,barımız tərbiyə verir !

Şanlı keçmişləri yiyə üzünə,

Köksüz ot-alaqlar ölməyə verir !

Hardan bar verəcək dilim,de hardan

Bitmir içimizdə hələ döyüşlər !

Məni fərd göstərir,özünü Millət

Sözüylə yem tutan bu fahişələr !

Duman da çəkilər,bulud da gedər

Günəş də yerində çıxsa yaxşıdır !

Bir ola bilmirik,bilmirəm niyə

Beləsə,özgələr yıxsa yaxşıdır !

Qoru Bəzz qalamı,Şah qılıncımı

Ruhum dilə gəlsə,Vətən dincələr !

Yenidən doğulan köhnə çərlərə,

Bu,Millət bir olsa,on da güc gələr !