Saqif Qaratorpaq - Unutdummu bilmirəm

Ədəbiyyat 10:31 / 22.08.2026 Baxış sayı: 756

 

***

Unutdummu bilmirəm,

düşüb itdimi yaddaşımdan

xatirələr.

On yedddi yaşındaydın

onda...

Xatırlaya bilmədim,

surətin itdi bir anlıq

masmavi dumanda.

Elə qorxdum ki

səni unutmaqdan...

üşüdüm,isti otaqda,

Alnıımda soyuq tər...

Xəyalım qırılmış boyunbağı,

göz yaşı kimi

buz mirvarilər.

Qurumuş cökə kimi

asılıb qalmışam

gecənin boynundan.

Gözləmə yolumu

əlləri qoynunda,

gələn deyiləm...