Sədaqət Kərimova: - ADSIZ ŞEİR
Ədəbiyyat
20:17 / 12.08.2025
Baxış sayı: 2474
Bir az üşüyən kimi,
Bir az töyşüyən kimi
Köksünə sığınarıq
Sevdiyimiz qadının.
Yanımızda olanda,
Qadamızı alanda
Oxşamarıq bir an da
Sevdiyimiz qadını.
Çəkməkdənsə nazını,
Qış edərik yazını,
Çox görərik azını
Sevdiyimiz qadının.
Xoş sözlər demərik heç,
Dünyadan edəndə köç,
Qəbrinə sığınarıq
Sevdiyimiz qadının.
