bir zəng eləmir,

heç olmasa səsini görəm,

heç olmasa səsimi görə.

Hərdən səsi ilə

duram-oturam,

hərdən səsim ilə

dura-otura.

Mən onun səsinə bir çiyin vuram,

o mənim səsimə bir çiyin vura...

Möhkəm-möhkəm qucaqlaşaq səsimizlə,

əl tutuşaq,

deyək-gülək,danışaq səsimizlə...

Səsini görəm ki,biləm o odu,

səsimi görə ki,bilə mən mənəm...

Səsinin

gözünün içinə baxam,

səsimin

gözünün içinə baxa...

Səsini öpəm,

səsimi öpə.

Görsə ki,bir azca doluxsunmuşam

səsinin əlləri üzümü örtə...