Tanınmış dənizçi-şair, gözəl qəlbli insan, dostum

Faiq Balabeyliyə

Hərənin bir taleyi var,

Səninki də saf söz oldu,

Məskənin gah sahil-quru,

Gah da Xəzər-dəniz oldu.

Elə bir yollar keçmisən

Çatmısan altmış yaşına.

Bunu qəlbinlə seçmisən,

Layiqsən el alqışına.

Dəniz qoynunda üzməyin

Sevinci var, əzabı var,

Ənginliklərdə süzməyin

Sualı var, cavabı var.

Şeirlərin şip-şirindi,

Sözlər necə, tanış, doğma,

Sözün mənaca dərindi,

Dinləyirsən sanki nəğmə.

Eh, "Ayrılıq nə yamanmış,"

"Yaşıl yuxulu dəniz"də,

Bax, "Bayıldan Bayıra"dək

Bir damcı yaş qalmaz gözdə...

"Bakı Buxtasının səsi"n

Sığışdırdın bir kitaba,

Xalqa xidmətdir məqsədin

Dözdün nə qədər əzaba.

Hər dənizçi qəhrəmandır,

Bunu ilhamla yazmısan,

Bu dövran başqa dövrandır,

Təblə, inamla yazmısan.

Biz dünyaya gəlmişiksə

"Burada darıxmaq olmaz",

Qapılmayaq xülyalara,

Burada karıxmaq olmaz.

Duyulur şeirlərində

Sabahın gül ətri, şehi,

Dənizdir xəyallarında

Özün qəlblərin Fatehi.

Aylin, Faiqdir sevincin,

Turalsa arxa-dirəyin,

Hələ qarşıdadır sənin

Sevinc dolu gələcəyin.

"Bir ovuc kədər" də sənə

Heç zaman olmasın gərək,

Dənizçi-şair qardaşım

Günün mübarək, mübarək!

16.09.2024.