Qaranlıqda işıq axtaranlara böcəyin işığı mayak kimi görünər.

=

Elə yaşa ki,"yaşlaşıb,müdrikləşib,qocalıb " desinlər...

"Qarıyıb,qartıyıb,ağlı,huşu gedib " deməsinlər"...

=

"Söz verib," arxasında dayanmayıb qaçanlar tez yıxılarlar...

=

İmkanlı dostu olanın postu olmasa da,lmkanlı dostunun şərəfinə gözəl tostu olar.

=

Yerinə yetirilməyən sözlər ,vədlər əsasən içkili olanda verilən sözlər ,vədlər olur.

P.S Əşşi,"piyan" olmuşam da...

=

Gönü qalın olanın ağlı da yalın olar.

=

Uğur qazanmağın ilkin şərtlərindən biri çevik olmaqdır.Ağlın çevikliyi...hərəkətdə çeviklik...

=

Hörmət var-etik normalara riayətdir.

Hörmət var- "hörmətdir",rüşvətdir...cinayətdir.

=

Qarşılıqlı hörmətsiz məhəbbət olan evdə həmişə soyuq olar

=

Bir yalançı dostunun sənə vurduğu ziyan,on düşmənin vurduğundan çox olar.

=

Ağılsız adamla söhbət edərkən ,əsəblərini cilovlayıb ,özünü idarə etməyi bacaran insan,ən güclü,iradəli insandır.

=

Hörməti,izzəti "hörmət" etməklə qısa müddətdə qazananlar ,onu tez bir zamanda da itirərlər.

=

İnsan gənc yaşlarından həmişə oxuyub öyrənməlidir ki, qocalanda təkcə yaşına görə deyil,müdrikliyinə görə də hörmət etsinlər.

=

Böyüklük məsuliyyətdir,həm də şərəfdir.

Ona təvazökarlığınla ,mədəniyyətinlə, mülayimliyinlə ,xeyirxahlığınla nail ola bilərsən .

=

İnsanı yaşı yüksəltməz. Ağlı,elmi ,işgüzarlığı,insansevərliyi yüksəldər.

=

Suvarmaqla daş göyərmədiyi kimi,yaramaz,islaholunmaz orta yaşlı bir insana verilən öyüd-nəsihət də nəticə verməz.

=

Halal zəhmətlə qazanıb ,yediklərin nə burnundan gələr,nə də gözlərindən tökülər...

Tökülsə ,ancaq başından tökülər.

=

Yıxılanın qolundan tutub qaldırmaq insanlıq borcundur.

Fərq eləməz ,özü yıxılıb,...kimsə yıxıb...yaxud sən yıxmısan...

=

Yüksək vəzifə böyük adamlar üçün böyüklüyün,alçaq adamlar üçün alçaqlığın yüksək mərtəbəsidir.

=

Ailəyə,övladlara vaxt ayırmasan ,vaxt səni onlardan ayırar.

=

Gözləri ayaqlarının altını görməyənlər başları üzərində Böyük Yaradanı görməyənlərdir.

=

"Baş altına qoyulan hər yastıq" hamı üçün eyni dərəcədə rahat olmur.

=

Amalın ülvidirsə,xeyir əməl daşıyıcısı olmağın mütləqdir.

=

"Sözbazlardan " uzaq ol,sözün bazlarına ( söz,şeir xiridarları) yaxın...

=

Bəzən insan qocalanda elə zənn edir ki,güzgü onu aldadır...

=

Yalamaqla doyanların yemələrinə ehtiyac qalmaz.

=

Ailə " möhkəm qaladan hasarsız,çəpərsiz evə" çevriləndə fəlakət başlayır.

=

Sözləri "semiçka" kimi çırtlayanlar da var,"semiçka" çırtlaya-çırtlaya sözləri öldürənlər də...

=

Keçəl daraq gəzdirməz,özünə ,gücünə güvənən yaraq.

=

Faciə ilə bitən olayların əksəriyyətinin baisi,səbəbkarı "boğazdan keçməyən " sözlərdir .

=

Hər pıçıltı ilə deyilən sözlər sirr olmaz ,hər ucadan deyilən sözlər dürr.

=

Narahatlıqla yaşadıqlarım ,əslində ən rahat yaşadıqlarımdır.

=

Bir -biri ilə mehriban olan iki insanın paxıllığını çəkən ən azı bir nəfərin olması şəksizdir.