Elnur Uğur Abdiyev - MƏNİ

Ədəbiyyat 11:32 / 23.05.2026 Baxış sayı: 440

Yerdə yerin yoxdur yeri,

Çək yanına,Tanrım,məni!

Öldürmə e, diri-diri,

Çək yanına,Tanrım,məni!

 

Soyum,köküm səndən gəlir,

Barış adlı dindən gəlir.

Aç qapını bəndən gəlir,

Çək yanına,Tanrım,məni!

 

Pıçıldadın, yazdım şeir!

Cahil:"anlamadım"-deyir.

Burda verəmmədim xeyir,

Çək yanına,Tanrım,məni!

 

Bir savabım yoxdur,hanı?

Sözlər kəsdim axdı qanı.

Sən çox sevdiyinin canı,

Çək yanına,Tanrım,məni!

 

Üzlərə baxdım boyadı,

Boyanın altı riyadı.

Burda ölmək bir həyadı,

Çək yanına,Tanrım,məni