Əlirza HƏSRƏT : - BİLƏR
Ədəbiyyat
13:49 / 05.09.2025
Baxış sayı: 4528
İlmə-ilmə sökülən dan,
Sərvətindir Ulu Xaqan.
Çox şey bilməz hər oxuyan,
Hər şeyi çox gəzən bilər.
Yaşamaqdırsa çətini,
Çətir tut məhəbbətini.
Asfalt yolun qiymətini,
Ayağın daş əzən bilər.
Gözü yolda Xudafərin,
Qoy Arazın silim tərin.
Zəfər qazanmağın sirrin,-
Döyüşlərdə dözən bilər.
Sevdim duman tutan dağı,
Bir aləmdir solu,sağı.
Zirvələrə ucalmağı,-
Qartal kimi süzən bilər.
