Şeytan peyda olur mələk donunda,

Min fitnə, min fəsad axır qanında...

Abır da, həya da yatır qınında,

Haqdan yapışmağa ətək çatışmır.

Nə qədər torpaq var düşmən əlində,

(Bu alış-verişin kökü dərində!..)

Hərə öz kefində, öz əməlində,

Bunları duymağa ürək çatışmır.

Çıxır millətimin çörəyi daşdan,

Həm əyindən olur, həm də ki başdan.

Gözə dəymir Simurq...

Küsüb o quş da,

Daha yandırmağa lələk çatışmır.

Ərimir dövranın, ərimir buzu,

Yoxdur haqq-salamın heç dadı-duzu!

Neçə İsgəndərin çıxıb buynuzu,

Sirləri açmağa tütək çatışmır!..