ZABİL PƏRVİZ KÜLƏKLƏRİ yazdı - Ağamir  Cavad

Ədəbiyyat 18:15 / 22.03.2026 Baxış sayı: 281

 

Oxuyur haqq nəğməsini,

Göydə əsir, yerdə əsir

Zabil Pərviz küləkləri.

Açıb sözün pərdəsini,

Pünhan olan sirrdə əsir

Zabil Pərviz küləkləri.

Dağı, aranı səsləyir,

Haqqı, imanı səsləyir,

Mili, Muğanı səsləyir,

Xan Arazda, Kürdə əsir

Zabil Pərviz küləkləri.

Dağıdıb fitnə tasını,

Fələk saxlayır yasını.

Keçib vüsal dəryasını,

Min həsrətə, dərdə əsir

Zabil Pərviz küləkləri.

 

Zaman çəkib darağına,

Bənzəyir eşq çırağına,

Düşüb haqqın sorağına

Bir müqəddəs pirdə əsir

Zabil Pərviz küləkləri.