Ağaevli Əli Hacı - Baxmıram dərindi ,ya da ki dayaz

Ədəbiyyat 18:35 / 10.08.2026 Baxış sayı: 768

Salam Sarvanın-60,yubiley yaşına

 

 

Baxmıram dərindi ,ya da ki dayaz

Sözü uzununa üzüb keçirəm .

Bədənim yükünü ağlıma verib,

Əriyən dərdimin suyun içirəm !

 

Üzürsüz gecikdim Tanrı dərsinə,

Bəxtin qabağına qayıb yazılıb !

Kitab bazarında bir dükan açıb,

Adını qəm qoydum,gələn azalıb !

 

Suyun dəyişmədim getdiyim yolun,

Bir az tez yeyildi ayağım altda !

Torpağın altına söz aparırdım,

Gecikdim,sevgilər getdi qatarda !